Den Donneschdeg, 7. Februar ass nees Jobdag op RTL an och dës Kéier probéiere mir de Patronen ze hëllefen nei Mataarbechter ze fannen!

Vu moies 8h u begréisse mir all Stonn en anere Patron deen eng oder méi fräi Plazen huet. Wann eppes fir Iech dobäi ass dann zeckt net a kommt an d'City Concorde tëscht 8 an 18 Auer laanscht wou mir de ganzen Dag op der Plaz sinn. Jiddereen ass wëllkomm vergiesst just ären CV net matzebréngen

Hei kritt Dir all d’Informatiounen iwwert den RTL Jobdag oder registréiert Äre Betrib elo nach hei a maacht mat bei eisem Job Dag. Den Job Dag op RTL, zesumme mat kliber der ADEM an dem Réseau pour le travail et la promotion humaine.



  • Jobdag + Léierplazendag

    25.09.2018, 17:10

    Haut ass déi 23. Editioun vum RTL Jobdag an d'Kollegen am Belval Plaza wënsche sech bestëmmt näischt méi, wéi dass ganz vill Patronen zefridden Heem ginn, an e Koup villverspriechend CV'en gesammelt hunn.

  • Jobdag + Léierplazendag

    25.09.2018, 16:10

    Bis 18h00 fonctionnéiert den RTL Jobcenter nach am Belval Plaza. T'ass hei, wou der d'Schaff vum Liewen fanne kënnt, virausgesat dir sidd de richtege Moment op der richteger Plaz an t'schnaapt net ee se vrun Iech ewech.

  • Jobdag + Léierplazendag

    25.09.2018, 15:10

    Eng gutt Aarbecht ze fannen ass net sou liicht gemaach wéi gesot. Et muss op deenen zwou Säiten passen. Awer un der Offer kann et definitiv net hänken well de Moment fënnt een op jobdag.lu ronn 800 Offeren an dann nach emol 100 Stänn am Belval Plaza wou een sech austausche kann fir méi iwwer dës fräi Plazen gewuer ze ginn.

  • Jobdag + Léierplazendag

    25.09.2018, 14:15

    Ronn 800 Plazen fann der vun haut un op jobdag.lu. Schéin propper ennerdeelt an d'Beräicher Artisanat, Bâtiment & Construction, Commerce, Finanzen, Horesca, Industrie, Intérim, IT, Nettoyage, Santé a Services. An um Belval Plaza sinn nach bis 18h00 ronn 100 Stänn déi och no dynamesche Mataarbechter sichen.

  • Jobdag

    25.09.2018, 13:10

    Fräizäit a Congé ass eng Säit vum Liewen. Eng flott Aarbecht déi engem d'Liewen finanzéiert an un där e Spaass a Satisfaktioun huet eng aner.  Op rtl.lu hu mer déi lescht Wochen méi wéi 800 Plazen gesammelt an hei um Radio stelle mer Iech der all Stonn e puer vir.

  • Jobdag

    25.09.2018, 12:10

    Den Hotspot vun de fräien Plazen déi de Moment um Arbechtsmarché ze fanne sinn gëtt et haut op jobdag.lu. Em déi 800 krute mer der eragemellt. Eng 100 Stänn mat Patronen aus alle méiglechen Beräicher fënnt een bis den Owend awer och am Belval Plaza zu Esch.

  • Jobdag + Léierplazendag

    25.09.2018, 11:10

    Haut ass sou en Dag deen äert Liewen verännere kann. Op d'mannst kennen hei d'Weichen geluet ginn a wéi eng Richtung et goe kann. Well wann der haut eng Plaz fannt déi Iech zouseet, an un déi der am Dram net geduecht hätt, kann dat äert ganzt Beruffsliewen beaflossen.

  • Jobdag + Léierplazendag: Service Techniker

    25.09.2018, 10:10

    Eng Léierplaz fannen, dat ass ëm dës Zäit guer net méi esou einfach. Well iwwer de Summer si scho vill Plaze besat ginn. A bis den 31ten Oktober mussen zukünfteg Léierbouwen- a Meedercher e Patron fonnt hunn. Dofir paken d'Raphaëlle an de Patrick haut um Job a Léierplazendag eng Hand mat un.

  • Jobdag + Léierplazendag: Wodalux Techniker, Merbag SA

    25.09.2018, 09:15

    Am Wanter, Fréijoer an am Hierscht organiséiert RTL zesummen mat senge Partner en Jobdag. Zanter enger gudder Stonn si se am Belval Plaza II schon fleisseg am gangen CV'en ze verdeelen an entgéint ze huelen, je nodeem op wéi enger Säit vum Stand ee steet.

  • Jobdag + Léierplazendag: DuPont de Nemours, Horlogerie Goeres

    25.09.2018, 08:40

    Am Belval Plaza gëtt haut mat Sécherheet keng roueg Klatz gedréit. Hei leeft bis den Owend 18h00 eng nei Editioun vum RTL Jobdag, deen dëss Kéier och nees mat engem Léierplazendag gekoppelt ass. An d'Zeechen stinn net schlecht dass een haut d'Plaz vum Liewen erwëscht.

  • Jobdag + Léierplazendag

    25.09.2018, 06:40

    3x d'Joer organiséiert RTL zesummen mat der Adem an dem Reseau pour le travail humain en Jobdag. Den Jobcenter wiesselt och all Kéiers op eng aner,aner Plaz. Haut fonktionnéiert den Jobdag,, deen och nees mat engem Léierplazendag gekoppelt ass, vun 8 Auer de Moien un am Belval Plaza. A ganz fréi un sinn an dësem Moment schonn d'Patronen déi hier Stänn opriichten.

  • RTL Jobdag - Comptabel, Direktiouns Assistent, Sekretär/in, "homme à tout faire"

    31.05.2018, 17:10

    Vun 08h00 de Moien un hu mer an eisem Jobcenter an der City Concorde no Leit gesicht déi d'Aarbecht net scheien. Méi wéi 800 Plazen fann der op rtl.lu an 2 Patronen sinn elo nach emol beim Mikro fir op sech opmierksam ze maachen. Déi éischt sin vir.

  • RTL Jobdag - Schaarschtechbotzer, Telekommunikatiouns Beruffer a Leit fir Zeitungen auszedroen

    31.05.2018, 16:10

    Wann der elo eréischt op den Jobdag opmierksam gi sidd dann hu der zwar scho vill verpasst. Op radio.rtl.lu kënn der awer nach emol alles noliesen a nolauschteren. Mir hun awer och nach frësch Wuer fir all déi, déi op der Sich sinn.

  • RTL Jobdag - Installateur, Vendeuren, Vendeusen, Leit fir d'Keess

    31.05.2018, 15:10

    Et kann net ëmmer klappen, awer mir maachen eist Bescht bei der Vermëttlung well et muss jo passen tëscht dem Patron an dem neie Mataarbechter. De Kandidat soll déi richteg Qualifikatioun, déi richteg Aarbechtsastellung a wa méiglech och nach de richtegen Know how hunn.

  • RTL Jobdag - Elektroniker, Magasinier, Techniker, Verkeefer, Léierbouwen

    31.05.2018, 14:10

    Audit PArtner, Bänker, Team Manager, Comptabel, Receptionnisten... alles Plazen déi dringend musse besat ginn. D'Annonce fannt Dir op rtl.lu. A wann Dir Frënn vun de kuerze Weeër sidd, da gitt einfach de Mëtteg bis op den RTL Jobdag an der City Concorde, well do si vill Patronen déi nëmmen drop waarde fir motivéiert Leit anzestellen. An der Vermëttler-Roll sinn och haut nees  d'Raphaëlle Dickes an de Patrick Greis

  • RTL Jobdag - Techniker, Schräiner

    31.05.2018, 13:10

    Beim RTL Jobdag an der City Concorde gëtt et keng Mëttespaus. Do geet et bis den Owend 18h00 richt duerch,an all Minutt zielt, well et gëtt jo näischt méi Schlëmmes wéi wann een aneren Iech d'Plaz vrun der Nues ewech hëllt.

  • RTL Jobdag - Mecanicien, Mechatroniker, Lackéierer, Technesche Beroder

    31.05.2018, 12:15

    De richtegen Job fällt engem net an de Schouss. Do muss ee selwer schon eppes derfir maachen. An der City Concorde ass d'Chance awer grouss dass een eng flott Aarbecht fennt well do warden eleng 60 Stänn hanner deene Patronen motivéiert nei Arbechter fir hire Betrib sichen, an RTL bréngt déi 2 Säiten beienaner.

  • RTL Jobdag - Educateuren, auxilières de vie, Beroder an europäeschen Affairen

    31.05.2018, 11:10

    Léift op den éischte Bléck, gëtt et net nëmmen am Privatliewen. Dat kann och heiansdo am Job geschéien. Bis 18h00 ass d'Partnerbourse an der City Concorde op, well do kann een dem Patron vun den nächsten 10, 20, 30 Joer iwwer d'Liewen lafen.

  • RTL Jobdag - Grafiker, Schlesser, Monteur, Techniker, Camionschauffeur

    31.05.2018, 10:10

    "Ech hu schonn esouvill Demande geschéckt, krut awer dacks mol keng Äntwert" Dat sinn Aussoen, déi een ëmmer nees vu Leit op Aarbecht Sich héiert. Vill Leit sinn op der Sich, d'Konkurrenz ass ebe grouss, Déi gutt Nouvelle: haut um RTL Jobdag an der City Concorde hutt Dir d'Geleeënheet Iech direkt perséinlech bei de Patronen déi astellen, virzestellen. Patrick Greis a Raphaëlle Dickes, watfir Plazen hätt Dir ze bidden?

  • RTL Jobdag - Installateur, Comptabel, Magasinier, Mecanicien...

    31.05.2018, 09:15

    Zanter gutt enger Stonn fonctionnéiert an der City Concorde den RTL Jobcenter. E ganz wichtegen Dag fir déi 2 Säiten déi sichen; d'Patronen an natierlech och d'Leit déi de Moment ouni Plaz do stinn oder sech veränneren oder verbesseren wëllen.