Background am Gespréich vum 17. MäerzLaurent Zeimet

De Generalsekretär vun der CSV war e Samschdeg an der Emissioun Background am Gespréich.

Radio - Background mam CSV-Generalsekretär Laurent Zeimet (17.03.2018)
Eng Stonn, fir hannert d'Kulissen ze kucken.

Den CSV-Generalsekretär Laurent Zeimet war e Samschdeg an der Mëttesstonn den Invité an der Emissioun Background am Gespréich.

Et goung queesch duerch de politesche Gaart, mat natierlech och der sougenannter Causa Reding. Egal, wéi vill Stëmmen d'Madamm Reding kritt, d'CSV géif um Enn wéi eng eenzeg Ekipp, mat der Viviane Reding abegraff, hannert dem Spëtzekandidat Claude Wiseler stoen.

Fir de Laurent Zeimet ass d'CSV nach déi eenzeg richteg Vollekspartei am Land.

Egal wéi eng politesch Faarf déi nächst Regierung kritt, d'Defie wieren déi nämmlecht: Wéi wëll d'Land weider wuessen a wéi gi mir mat de Konsequenze vun deem Wuesstem ëm, also virop bei Mobilitéit a bezuelbarem Wunnraum?

D'Land, esou de Laurent Zeimet, bräicht net ze fäerten, dass mat der CSV alles réckgängeg gemaach gëtt, wat an de leschte 5 Joer geschitt ass. Et kéint een awer nach villes verbesseren a virun allem soll een no vir kucken a sech op d'Zukunft vum Land konzentréieren.

Wat déi aktuell Regierung betrëfft, huet den CSV-Generalsekretär d'Impressioun, wéi wann déi 3 Parteien net onfrou wieren, sech nees ze trennen. Bei wichtegen Dossiere géifen DP, LSAP a Gréng dacks ausernee leien.

Bescht Beispill wier d'Implantatioun vun enger Jughurtsfabréck an enger Steewollfabréck. Do seet ee roude Minister dat eent an eng gréng Ministesch de Contraire.

Symptomatesch wier och an deem Fall d'Diskretioun vum Premier Xavier Bettel gewiescht. Et hätt een net den Androck, dass de Premier seng Geschäfter net am Grëff huet. Et wier éischter d'Impressioun, wéi wann de Xavier Bettel de Wirtschaftsminister Etienne Schneider am Réck hätt, deen him an d'Steierrad gräift, esou de Generalsekretär vun der CSV, de Laurent Zeimet.

Background am Gespréich mam Laurent Zeimet


D'Emissioun "Background am Gespréich" leeft ëmmer samschdes an der Mëttesstonn (vun 12 bis 13 Auer) op RTL Radio Lëtzebuerg an am Livestream um Internet respektiv an der App (Audio a Video). Dono ass d'Emissioun op RTL.LU zu all Ament nach eemol ze lauschteren oder ze kucken - an der Rubrik "Radio" bei Emissiounen "Background" wielen.



Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.