Background am Gespréich vum 16. JuniEist Land an eis Identitéit

Invitéen dëse Samschdeg an der Emissioun Background am Gespréich waren d'Sonja Kmec, d'Ainhoa Achutegui an de Josy Lorent.

Radio - Background: Eist Land an eis Identitéit (16.06.2018)
Eng Stonn, fir hannert d'Kulissen ze kucken.
Den typesche Lëtzebuerger gëtt et net, do waren sech d'Invitéen an der Emissioun Background eens. D'Historikerin a Professer op der Uni Sonja Kmec, d'Direktesch vun Neimënster Ainhoa Achutegui an de fréiere Wort-Journalist Josy Lorent hunn iwwer Lëtzebuerg a seng Leit diskutéiert an iwwer d'Entwécklung vum Land. Et wär richteg, datt sech vill verännert huet, mä dat wär awer och normal, sot d'Historikerin. Zanter den 80er Joren huet sech eist Land enorm a séier verännert. Vill Leit hätten dovunner profitéiert. Et wär awer och normal, datt dat veronséchert.

Mir hu bal grad esou vill Lëtzebuerger hei wunne wéi Net-Lëtzebuerger, am Dag sinn d'Lëtzebuerger (mat de Frontalieren) elo schonn an der Minoritéit, dat géif ville Leit kee gutt Gefill ginn, huet de fréiere Journalist Josy Lorent gemengt. Och misst ee sech froen, wéi een dee Wuesstem géif geréieren.

D'Ainhoa Achutegui, déi zanter 11 Joer hei lieft, och de Lëtzebuerger Pass huet, kennt Lëtzebuerg nëmmen als dynamescht Land, si erlieft d'Land ganz multikulti a ganz positiv. Et wär eng mega Chance an e Gléck fir eist Land.

All Medail huet e Revers, huet de Josy Lorent ze bedenke ginn, vun deem enge profitéiert een, dat anert muss verdaut ginn.
Hien huet awer och drop opmierksam gemaach, datt Lëtzebuerg ëmmer en Immigratiounsland war. Op d'mannst 2/3 vun de Lëtzebuerger huet ee Grousselterendeel, deen net Lëtzebuerger ass.

Background (Deel 1)



Background (Deel 2)

D'Emissioun "Background am Gespréich" leeft ëmmer samschdes an der Mëttesstonn (vun 12 bis 13 Auer) op RTL Radio Lëtzebuerg an am Livestream um Internet respektiv an der App (Audio a Video). Dono ass d'Emissioun op RTL.LU zu all Ament nach eemol ze lauschteren oder ze kucken - an der Rubrik "Radio" bei Emissiounen "Background" wielen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.