Invité vun der Redaktioun (18. Mee)Pierre Gramegna: Lëtzebuerg an de Brexit

Den Invité vun der Redaktioun en Donneschdeg de Moie géint 10 op 8 war de Finanzminister.

Invité vun der Redaktioun: Pierre Gramegna (18. Mee) (18.05.2017)
Den Invité vun der Redaktioun en Donneschdeg de Moie géint 10 op 8 war de Finanzminister.

Et war eng informell Reunioun, also e Meenungsaustausch, keng Verhandlungen, well déi féiert d'EU-Kommissioun. Sou huet den Finanzminister Pierre Gramegna am RTL-Interview seng Entrevue mam britesche Vize-Brexit-Minister David Jones erkläert, déi jo deels kritiséiert gouf.

Eng Kritik déi den Pierre Gramegna net versteet, well London ass ee vun de wichtegste Partner vum Grand-Duché, do ass et wichteg, datt sech béid Länner iwwert de Brexit a seng Suitten austauschen.

De Lëtzebuerger Stil wier och fir éischter diskret ze verhandelen, dat géif appreciéiert ginn, sou den Invité vun der Redaktioun weider. De Finanzminister wëll de Brexit och dedramatiséieren a méi op Léisungen hiweisen.

Ëm de Lëtzebuerger Finanzsecteur bréicht ee sech och keng Suergen ze maachen. Ënnert anerem, datt 3 weider grouss Assurancë wëllen heihinner kommen, zwee amerikanesch Finanzhaiser hir Präsenz wëlle verstäerken, an datt Lëtzebuerg, am Konkurrenzkampf mat Dublin, eng grouss Asset-Management Firma konnt unzéien, géif weisen, datt Lëtzebuerg weiderhin attraktiv a gutt opgestallt ass.

Invité vun der Redaktioun: Pierre Gramegna (18. Mee)

Rendez-vous fir den Interview mam Invité vun der Redaktioun all Dag vu méindes bis donneschdes um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.