Invité vun der Redaktioun (10. Oktober)Nicolas Schmit: Pappecongé op 10 Deeg, Kritik vum LCGB

En Dënschdeg de Moien um 10 op 8 war den Aarbechtsminister eisen Invité vun der Redaktioun.

Invité vun der Redaktioun: Nicolas Schmit. (10.10.2017)
En Dënschdeg de Moien um 10 op 8 war den Aarbechtsminister eisen Invité vun der Redaktioun.

Invité vun der Redaktioun: Nicolas Schmit



De sougenannte Pappecongé soll an Zukunft effektiv 10 Deeg laang sinn, dat huet den Aarbechtsminister Nicolas Schmit um Dënschdeg de Moien am RTL-Interview duerchblécke gelooss.

D'Amendementer sollen an den nächsten Deeg kommen.

Zesumme mat der Familljeministesch Corinne Cahen hätt een e Konzept ausgeschafft. Et hätt een Zitat "eng gutt Léisung fonnt", sou den Aarbechtsminister. Besonnesch mam Patronat gouf et jo nach Diskussiounen ze féieren.

An enger éischter Phas hat d'Regierung sech zesumme mat de Gewerkschaften an dem Patronat drop gëeenegt, fir engem frëschgebakene Papp keng 2 mä 5 Deeg Congé ze ginn.

Extrait Nicolas Schmit zum Pappecongé



Gekoppelt dorunner eng ganz Rei vun Adaptatioune vun dësen extraordinäre Congésdeeg an deenen Deeg, déi een ze gutt huet, wann engem säi Kand krank ass.

D'Regierung hat déi 10 Deeg Pappecongé eng éischte Kéier an d'Spill bruecht, well e Projet vun enger EU-Direktiv an deem Sënn ënnerwee ass.

Den Nicolas Schmit wollt um Dënschdeg de Moien net ze vill virgräifen. D'Amendementer kommen elo an ee vun den nächste Regierungsréit a ginn dann och am Detail virgestallt.  Déi aner Adaptatioune bei de Congésdeeg sinn dem Nicolas Schmit net a Fro gestallt.

Et hätt ee sech mam Patronat, wat an an éischter Linn net begeeschtert war, iwwert den zousätzleche Pappecongé, via de Finanzement vun de Congésdeeg entgéintkomm.

D'Reform soll am Prinzip schonn  op den 1. Januar a Kraaft trieden.

D'Wahlresultat vun der LSAP bei de Gemengewahlen gesäit den Nicolas Schmit als kloert Signal fir d'Lëtzebuerger Sozialdemokratie, déi sech fundamental Froen stelle misst a sech nei opstellen.

Extrait Nicolas Schmit zum Wahlresultat vun der LSAP



Et bräicht een net, de Kapp an de Sand ze stiechen, mä Theme behandelen, déi d'Leit beschäftegen. Wéi zum Beispill d'Sécherheet. Him perséinlech géif e bëssche feelen, firwat d'LSAP steet, sou den Aarbechtsminister. Déi gutt Sozialpolitik, déi gemaach géif ginn, géif dacks net bei de Leit ukommen.

D'LSAP misst sech séier zesummesetzen, fir ze kucken, wéi d'Lëtzebuerger Sozialdemokratie nees méi op d'Bierger zougoe kann an hire Profil schäerfen.

Familljeministesch confirméiert: Pappecongé geet vun 2 op 10 Deeg erop

Rendez-vous fir den Interview mam Invité vun der Redaktioun all Dag vu méindes bis donneschdes um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

 

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.