Invité vun der Redaktioun (16. Oktober)Ali Biver: Den RTPH feiert 20 Joer

E Méindeg de Moien um 10 op 8 war den Ali Biver, President vum "Réseau pour le Travail et la Promotion Humaine", eisen Invité vun der Redaktioun.

Invité vun der Redaktioun: Ali Biver (16.10.2017)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

Wéi schreiwen ech en CV, wéi sichen ech eng Plaz oder wéi behuelen ech mech an engem Job-Interview? Zanter 20 Joer hëlleft den « Réseau pour le Travail et la Promotion Humaine », Leit bei der Sich no enger Aarbecht.

De President vum RTPH, den Ali Biver, war e Méindeg den Invité vun der Redaktioun.

Datt de Chômage zu Lëtzebuerg zanter 2015 zeréckgeet an den Ament bei 6% läit, erkläert hie mat e puer Facteuren, wéi de Reforme bei der ADEM an de bessere Formatiounen.

Ma, och d'Aarbecht vun der RTPH dréit hiert dozou bei: Eng 450 Dossieren d'Joer ginn traitéiert, e gudden Drëttel vun de Leit kann um éischten Aarbechtsmaart ënnerbruecht ginn, sief et mat engem CDD oder engem CDI, 33% ginn a Formatioun, Benevolat, oder starten eng kleng Entreprise, an 12% ginn an Aarbechtsmesuren.

D'Digitalisatioun dann, déi ass voll am Gaangen a se wäert d'Aarbechtswelt veränneren. A fir datt déi Changementer positiv sinn, missten Educatioun a Gesetzer ugepasst ginn, sou nach den RTPH-President Ali Biver.

Invité vun der Redaktioun: Ali Biver



Rendez-vous fir den Interview mam Invité vun der Redaktioun all Dag vu méindes bis donneschdes um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

 

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.