Invité vun der Redaktioun (7. Mäerz)Fred Keup vun "Wee2050/Nee2015"

Invité vun der Redaktioun e Mëttwoch de Moien um kuerz no 8 Auer war de Spriecher vun der Initiativ, deen am Oktober op der ADR-Lëscht kandidéiert.

Invité vun der Redaktioun: Fred Keup (07.03.2018)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

Hie war d'Stëmm vum „Neen“ géint d'Auslännerwahlrecht, elo knapp 3 Joer dono wëll de Fred Keup an d'Politik. D'Initiative "Wee2050/Nee2015" schafft fir d'Chamberwahle mat der ADR zesummen.

De Fred Keup war e Mëttwoch de Moien eisen Invité vun der Redaktioun.

D'ADR wär net den zweete Choix gewiescht, mä den richtege Choix fir d'Ziler ëmzesetzen, och wann hie Member vun der CSV war.

De Fred Keup (Extrait 1)

Och virun de Gemengewahle gouf et Gespréicher tëscht dem Fred Keup an dem Mamer CSV-Buergermeeschter Gilles Roth. Firwat näischt aus enger Kandidatur gouf, wollt de Fred Keup net präziséieren.

Elo op jiddefalls gesäit hien d'Zäit komm, fir sech politesch staark ze maache fir manner Wuesstem a fir d'Lëtzebuergesch. D'Regierung hätt net déi richteg Léisungen.

De Fred Keup (Extrait 2)

Beim Wuesstem géif et och verschidde Meenunge ginn. De Wee2050 géif soen: sou kann et net goen. Pro Generatioun géife 5.000 Leit op den Aarbechtsmarché kommen, mä 15.000 Aarbechtsplaze d'Joer géife geschaf ginn, dat kéint net opgoen a wär net positiv.

Invité vun der Redaktioun: Fred Keup



A well de Fred Keup mat an d'Wahle geet, léisst hie säi Mandat am Comité vun "Actioun Lëtzebuergesch" rouen. D'AL huet um Dënschdeg matgedeelt:

D'Membere vun eisem Comité hu verschidde politesch an och parteipolitesch Meenungen, an dat ass och gutt esou. Zesumme schaffe mir fir alles, wat Lëtzebuergesch ass, apaart fir eis Sprooch, a mir huelen Entscheedungen, déi konform mat eise Statute sinn, an deenen d'NEUTRALITÉIT vun der AL ganz kloer festgeluecht ass (Art. 4). No bausse gëtt de Veräin duerch säi President, deen am Numm vun der AL schwätzt, vertrueden.

Eise Comitésmember Fred Keup, dee sech fir d'Chamberwalen opgestallt huet, huet äis proposéiert seng Funktioun als Comitésmember bis zu de Wale rouen ze loossen, esou datt d'Neutralitéit vun der AL garantéiert bleift.

PDF: Schreiwes vun der Actioun Lëtzebuergesch.

Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.