Invité vun der Redaktioun (16. Mäerz) - Dr. Emile BockUrgencë virum Kollaps: 3 Mol méi Patiente wéi an der Norm

Invité vun der Redaktioun e Freideg de Moie war de President vun der Vereenegung vun den Urgentisten.

Invité vun der Redaktioun: Dr. Emile Bock (16.03.2018)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

D’Situatioun an den Urgencen hei am Land gëtt ëmmer méi desaströs. Nom Audit am Dezember a Reklamm fir d'Maison médicale sollt d'Situatioun sech entspanen, mä de Contraire ass de Fall, seet den Dr. Emile Bock, President vun der Vereenegung vun den Urgentisten hei am Land.

Urgencë virum Kollaps: 3 Mol méi Patiente wéi an der Norm (16.03.2018)
D’Situatioun an den Urgencen hei am Land gëtt ëmmer méi desaströs.

Et géif een deene ville Patienten net méi gerecht ginn. Et bräicht ee méi Dokteren, méi Infirmieren – gutt an erfuere Leit – a besser Infrastrukturen a Raimlechkeete fir d'Leit ze behandelen.

D'Politik huet bis ewell awer keng weider finanziell Mëttele bereet gestallt, fir d'Situatioun ze verbesseren. Firwat net?

Den Dr. Emile Bock mengt, de Problem wier net verstane ginn. D'Médecine d'urgence huet näischt mat der Médecine générale ze dinn. An den Urgence hëlt ee Leit en Charge, déi uerg krank sinn. Et kéint een déi ëmmer méi Patienten net méi anstänneg behandelen. Net déi, déi u sech net richteg an d'Urgence gehéieren, well se méi e klenge Problem hunn, mä déi richteg krank Leit, dat si wäit iwwer 80%. 18% maachen déi méi kleng „Boboen“ aus an dann nach, och en ëmgeknéckste Fouss zum Beispill muss behandelt ginn.

Den Dr. Emil Bock



Et si besonnesch déi méi liicht Fäll, déi méi laang musse waarden; an dat kënnen och mol 7 oder 8 Stonne sinn. Mä och een, dee sech geschnidden huet zum Beispill oder ëmgeknéckst ass, wëll a muss gehollef kréien.

Den Ament missten d'Urgentisten 3 Mol méi Patiente behandelen, wéi déi international Norme virgesinn, dat sinn 1,6-1,8 Patienten d'Stonn. D'selwecht bei den Infirmieren, 4 Patiente pro Infirmier sollen et sinn, an de Lëtzebuerger Urgencen ass de Chiffer 2-3 Mol sou héich.

Speziell déi lescht 3 Joer hätt sech d'Situatioun ëmmer méi verschäerft. D'Urgentiste fuerderen, datt séier gehandelt gëtt, soss kéint een den nächste Wanter net méi iwwer assuréieren.

Invité vun der Redaktioun: Dr. Emile Bock


Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.