Invité vun der Redaktioun (6. Abrëll)Nadine Molitor iwwer Kaméidi vun Nuetsflich an d'Konsequenzen

Invité vun der Redaktioun e Freideg de Moie war d'Presidentin vum Syndicat d'Initiative an Interesseveräin Cents/Fetschenhaff.

Invité vun der Redaktioun: Nadine Molitor (06.04.2018)
Invité vun der Redaktioun e Freideg de Moie war d'Presidentin vum Syndicat d'Initiative an Interesseveräin Cents/Fetschenhaff.

Zejoert gouf et um Findel en neie Rekord bei den Nuetsflich. D'Nuetsvolle belaaschten eis, dat soen d'Membere vum Syndicat d'Iniative an Interesseveräin Cents/Fetschenhaff. D'Presidentin Nadine Molitor war de Freideg de Moien d'Invitée vun der Redaktioun.

Guer kee Versteesdemech gëtt et dofir, datt d'Nuetsflich weider an d'Luucht ginn. Et wier traureg, datt et ënnert engem grénge Minister weider staark an déi Richtung gaangen ass.

E grousse Problem wier deen, datt d'Dezibel-Recommandatioune vun der WHO net agehale ginn. Mëttlerweil wieren d'Grenzwäerter duebel esou héich, ewéi dat sollt sinn.

D'Gefor fir d'Gesondheet wier net ze ënnerschätzen, well d'Häerzinfarkt-Gefor géing an d'Luucht goen. Och kéinte Leit onbewosst net méi richteg schlofen a wëssen net firwat.

Et wier een net géint de Fluchhafen, et wier ee fir e City-Airport bei deem Reglementatiounen ëmgesat a Reegelen agehale ginn, d'Stroftaxe fir Retarden zum Beispill sollten erop gesat ginn.

Et gëtt en Dialog mat den zoustännege politeschen Acteuren an och mat de concernéierte Fluchgesellschaften, dee stellt d'Vertrieder vum Intereessensveräin awer net onbedéngt zefridden, och de plan-anti-bruit géing net wäit genuch goen, esou nach d'Nadine Molitor.

Invité vun der Redaktioun: Nadine Molitor



Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.