Invité vun der Redaktioun (16. Abrëll)Ali Ruckert: "Mir si keng Al-Häre-Partei"

Invité vun der Redaktioun um Méindeg de Moien war de KPL-President.

Invité vun der Redaktioun: Ali Ruckert (16.04.2018)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

Se hu sech virgeholl an alle Bezierker unzetrieden, d'KPL déi e Sonndeg als éischt Partei den Entworf zu hirem  Programm fir d'Chamberwalen ugeholl huet. D'Kommuniste setzen op oppe Lëschten, fir ënnert anerem och déi gesetzlech virgeschriwwe Fraequote vu 40% z'erfëllen. Et wier een och keng "Al-Häre-Partei", sou de President vun de Kommunistescher Partei, den Ali Ruckert war e Méindeg de Moien bei eis op der Antenn. Dat géif een och op de Lëschte gesinn. Genee wéi bei de Gemengewale géife vill jonk Aarbechter fir d'KPL untrieden.

Do wou d'Adr an "Wee2050" an d'Piraten an d'PID sech fir de 14. Oktober zesummeschléissen, ass eng Zesummenaarbecht tëscht der KPL an déi Lénk weider keng Optioun. Et wier een duerchaus bereet mat déi Lénk, deene Gréngen oder der LSAP punktuell zesummenzeschaffen, ma fir eng regelrecht Zesummenaarbecht fir d'Chamberwale géif et awer ze déif prinzipiell programmatesch Ënnerscheeder.  Sou eng Cooperatioun wier vu kenger Säit den Ament eng Thema.

20% méi Mindestloun

Inhaltlech setzt sech d'KPL ënnert anerem fir eng Hausse un 20% vum Mindestloun an. Dat wier mol net op hirer Mëscht gewuess, sou den Ali Ruckert. D'Kommunisten hätte just d'Fuerderung vun der Salariatskammer iwwerholl. Déi Fuerderung wier och ganz realistesch, well se engem Nohuelbedarf entsprécht. D'Patrone wieren einfach just dergéint, sou den Ali Ruckert, deen e Méindeg de Moien op en Neits fir eng kloer Ëmverdeelung plädéiert huet. Eng Ëmverdeelung zu Gonschte vun de Leit, well antëscht géif d'Aarbecht zu Zweedrëttel an d'Kapital nëmmen zu engem Drëttel besteiert ginn. Dat misst ëmgekéiert ginn. Duerfir missten d'Kapitalsteiere fir d'Grousskapital an d'Banken erhéicht ginn. Och verschiddenen Investitiounsfonge géif et net wéi do méi Steieren ze bezuelen. De klenge Bäcker zum Beispill sollt awer net méi belaascht ginn, huet de KPL-President betount.


Syrien: Ugrëff op souveräne Staat ouni UNO-Mandat geet net


Op der Landeskonferenz e Sonndeg huet d'KPL eestëmmeg eng Resolutioun ugeholl, an där d'Loftattacken a Syrien op dat Schäerfst veruerteelt ginn. Dem Lëtzebuerger Ausseminister reprochéiert de Parteipresident Ali Ruckert sech net vun den Attacken desolidariséiert ze hunn. D'USA, Groussbritannien a Frankräich hätten awer géint d'Vëlkerrecht verstouss. Dat géif net goen.

Den Ali Ruckert



Wa Jiddereen dat mécht, dann ass den absolute Chaos op der Welt, huet den Ali Ruckert betount. Dat dréit och net dozou bäi, dass mir méi no un de Fridde kommen, mä dass de Krich nach méi laang dauert.

D'KPL gesäit sech als eenzeg konsequent Friddenspartei.

Invité vun der Redaktioun: Ali Ruckert


Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.