Invité vun der Redaktioun (18. Mee) - Nico HoffmannULC fuerdert eegestännege Konsumenteschutzministère

Invité vun der Redaktioun e Freideg de Moie war de President vum Lëtzebuerger Konsumenteschutz.

Invité vun der Redaktioun: Nico Hoffmann (18.05.2018)
Invité vun der Redaktioun e Freideg de Moie war de President vum Lëtzebuerger Konsumenteschutz.

De Konsumenteschutz muss een eegenstännege Ministère kréien, dat fuerdert d’ULC, déi dës Woch hir Generalversammlung hat.

Um Freideg de Moie war de President vum Konsumenteschutz, den Nico Hoffmann, den Invité vun der Redaktioun op RTL Radio Lëtzebuerg.

Et wier ee frou gewiescht, wéi viru 5 Joer eng éischte Kéier an der Lëtzebuerger Geschicht e Konsumenteschutzministère an d’Liewe geruff gouf. De Konsumenteschutz hätt sech awer méi Flexibilitéit gewënscht. Am zoustännege Ministère hätt nämlech éischter d'Landwirtschaft an de Wäibau am Mëttelpunkt gestanen, wéi de Konsumenteschutz. Fir d'Zukunft sollt dowéinst méi en onofhängege Ministère geschafe ginn, deen all concernéierter Beräicher ënnert engem Daach regroupéiert. Bis ewell wier d'Koordinatioun nämlech schwéier, well nach ëmmer 4 Ministèren zoustänneg si fir de Verbraucherschutz.

Den Nico Hoffmann fuerdert e Konsumenteschutzministère

Sammelkloe sollen der ULC no nach dës Legislatur Realitéit zu Lëtzebuerg ginn. D’Regierung bräicht net op déi europäesch Initiative waarden, ma sollt selwer an direkt aktiv ginn, sou den Nico Hoffmann.

En vue vun de Chamberwahlen am Oktober ass dann och eng Fuerderung vun der ULC, datt d’Politik méi konsequent géint déi héich Bankefraisen virgeet. De Konsumenteschutz hat jo eng Petitioun gemaach, wou 10.000 Ënnerschrëfte gesammelt goufen. Ma de Succès um Terrain wier bis ewell awer bescheiden, gëtt den Nico Hoffmann zou.

Och bei de Parkingtariffer an de Spideeler wëll d'ULC um Ball bleiwen. Et ass net seriö wa Leit 27, 31, 32 Euro Parking am Spidol bezuele mussen, huet de President vun der ULC betount. Hien hätt massiv Message vun de Leit kritt. Bis ewell hätt een awer nach näischt Konkretes areecht.

Den Nico Hoffmann iwwert d'Parkingtariffer an de Spideeler



De President vum Konsumenteschutz huet um Freideg de Moien bei eis op der Antenne bedauert, datt d'Spidolsfederatioun bis ewell nach net d'Gespréich mat der ULC gesicht huet. Och déi  zoustännege Ministeren huet d'Union luxembourgeoise des consommateurs bis ewell nach net gesinn.

Bestëmmunge proposéiert, fir Konsumente besser ze schützen
Viru 5 Wochen huet d'Europäesch Kommissioun nei Bestëmmunge proposéiert, fir d'Konsumente besser ze schützen. Dës goufen e Freideg am Haus vun Europa hei zu Lëtzebuerg dem interesséierte Publik presentéiert.

Bestëmmunge proposéiert, fir Konsumente besser ze schützen (18.05.2018)
Dës goufen e Freideg am Haus vun Europa hei zu Lëtzebuerg dem interesséierte Publik presentéiert.

Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.