Invité vun der Redaktioun (14. Juni)Felix Braz iwwert Reform vum Scheedungsgesetz

Invité vun der Redaktioun en Donneschdeg de Moie war de Justizminister Felix Braz.

Invité vun der Redaktioun: Felix Braz (14.06.2018)
Invité vun der Redaktioun en Donneschdeg de Moie war de Justizminister Felix Braz.

Scheedunge solle méi séier kënnen ofgewéckelt ginn. Dofir steet um Donneschdeg d’Reform vum Scheedungsgesetz an der Chamber zum Vott. 2 an een halleft Joer ass de Projet schonn ënnerwee, dat ass kee schlechten Delai sot de Minister Felix Braz de Moien als Invité vun der Redaktioun. Dat well et ee komplexe Projet ass.

Et sollen an Zukunft just nach zwee Grënn ginn fir eng Scheedung kënnen ze vollzéien. Entweder well ee sech zu zwee eens ass, oder well dat sougenannten “Zerrüttungsprinzip” ginn gëtt. Den Divorce par faute gëtt domadder ecartéiert, dat heescht datt och d’Scholdfro net méi gestallt gëtt. Den Divorce soll méi éierlech, manner dramatesch a virun allem méi séier goen. Méi séier heescht och, datt een net zweemol muss virun de Riichter goen, mä just nëmme méi eemol. Esou sollen d'Leit méi séier Kloerheet hunn a musse keng Zäit verléieren.

Bei penalen Infraktiounen bleift d'Faute awer bestoen.

Et gëtt och mam Gesetz ee Familljeriichter agefouert. Dee Riichter kritt all Kompetenzen aus dem Familljeberäich. Haut muss een deemno wéi op 4 verschidde Plaze lafen, zum Beispill fir d'Rechter vun de Kanner. Dat zitt de Prozess an d'Längt, esou de Justizminister. An Zukunft ass just de Familljerichter den Adressat. Déi verschidden Elementer kënne méi präzis openeen ofgestëmmt ginn. Well et vill Aarbecht wier, géifen 9 zousätzlech Riichterposte geschafe ginn.

Nieft dem Scheedungsgesetz, gëtt um Donneschdeg de Mëtteg um Krautmaart nach iwwert 5 anerer Projeten ofgestëmmt, dorënner antiterroristesch Mesuren.

Invité vun der Redaktioun: Felix Braz



Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.