Invité vun der Redaktioun (15. Juni) - Anne BrasseurDen universelle Charakter vum Futtball ass a Gefor

Invitée vun der Redaktioun en Freideg de Moie war déi pensionéiert Politikerin Anne Brasseur.

Invité vun der Redaktioun: Anne Brasseur (15.06.2018)
Invitée vun der Redaktioun en Freideg de Moie war déi pensionéiert Politikerin Anne Brasseur.

Den universelle Charakter vum Futtball ass a Gefor. Dat sot um Freideg de Moien déi fréier Presidentin vun der Assemblée parlementaire vum Conseil de l’europe, d’Anne Brasseur. Si war eis Invitée vun der Redaktioun. Mat dëse Wierder huet si op d’Decisioun reagéiert, datt virun 2 Deeg d’USA, Mexiko an de Kanda den Zouschlag fir d’WM 2026 auszeriichten. Hei géif et sech ëm eng Suen-Affär handelen. Domadder géifen d’Chance vun de klenge Länner emol esou Spiller auszedroen, minimiséiert ginn.

Mat de Reformen déi sech d’FIFA op de Fändel geschriwwen huet, wier net vill geschitt, sot d’Anne Brasseur. Dobäi hätt den aktuelle President vum Weltfussballverband, den Gianni Infantino déi Reformen nach mat ausgeschafft. Ma zanter der Adoptioun vum kritesche Rapport vun der Anne Brasseur am Januar, wou si iwwert d’Maachenschaften am Futtball geschriwwen huet, hätt sech net vill un der Situatioun geännert. Wat d’Sportswetten zum Beispill uginn, huet een eng Konventioun, ma déi géif vu Malta beispillsweis blockéiert ginn. Den Gianni Infantino wier mat grousse Verspriechen ugetrueden, all Verband sollt méi Sue kréien, dat kéint d’FIFA net stemmen, also géif no Sponsore gekuckt ginn.

Och wat d’Funktioun vum FIFA-President selwer ugeet, gëtt et Kritik. Dee soll just eng representativ Funktioun hunn. Wat an der Realitéit awer driwwer erausgeet.

Invité vun der Redaktioun: Anne Brasseur

Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.