Invité vun der Redaktioun (19. Juni)Nicolas Schmit: "Steierklass 1a soll ofgeschaaft ginn"

Invité vun der Redaktioun en Dënschdeg de Moie war den Aarbechtsminister.

Invité vun der Redaktioun: Nicolas Schmit (19.06.2018)
Invité vun der Redaktioun en Dënschdeg de Moie war den Aarbechtsminister.

Déi "onsäglech Steierklass 1a" soll ofgeschaaft ginn, dat sot den Aarbechtsminister Nicolas Schmit um Dënschdeg de Moien am RTL-Interview. Den LSAP-Politiker war eisen Invité vun der Redaktioun. Hien hätt dës LSAP-Positioun och de Regierungskollege scho matgedeelt a se wier op vill Versteesdemech gestouss. Et misst Gläichheet retabléiert ginn, am Kader vun enger nächster Steierreform. D'Steierklass 1a betrëfft den Ament jo Wittleit a Monoparentauxen.

Den Aarbechtsminister Nicolas Schmit bleift da bei sengem Widderstand géint d'Propos vun der EU-Kommissioun, datt Frontalieren, déi hir Aarbecht verléieren, integral vun deem Land entschiedegt ginn, an deem se geschafft hunn.
Et wier kee Problem vu Finanzement mä et géifen 10 bis 12.000 Leit op ee Coup pro Joer op d'Adem kommen.  Dat wier net realistesch. Dat hätt den Nicolas Schmit och esou dem Kommissiounspresident Jean-Claude Juncker matgedeelt, wou de Minister op Versteesdemech vun der exzeptioneller Situatioun vu Lëtzebuerg hofft. Den Nicolas Schmit hofft, wéi en um Dënschdeg de Moie bei eis am Studio sot, "datt mer nach iergendwéi als Lëtzebuerg Gehéier zu Bréissel hunn".

Invité vun der Redaktioun: Nicolas Schmit

Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.