Invité vun der Redaktioun (4. Juli) - Roland KuhnA gudden Zäite méi schaffen, bei schlechtem Wieder manner

E Mëttwoch de Moie war de President vun der Lëtzebuerger Federatioun vun de Bauentreprisen Roland Kuhn eisen Invité am Studio.

Invité vun der Redaktioun: Roland Kuhn (04.07.2018)
E Mëttwoch de Moie war de President vun der Lëtzebuerger Federatioun vun de Bauentreprisen Roland Kuhn eisen Invité am Studio.

D'Kollektivvertragsverhandlungen am Bausecteur stieche fest. Lo geet et an d'Conciliatioun. En éischte Rendezvous ass nächste Mëttwoch.

D'Gewerkschafte schalten op stur, sou den Roland Kuhn, President vun der Lëtzebuerger Federatioun vun de Bauentreprisen, um Mëttwoch de Mueren am RTL-Interview.

Den Invité vun der Redaktioun huet ënnerstrach, datt de Bausecteur bis zu 20 Milliounen Euro duerch schlecht Wiederkonditioune verléiert. Hei misst et méiglech sinn, déi Stonnen eran ze huele wann d'Meteo matspillt. Dat wier net nëmme finanziell wichteg, mä, géif och der Gesondheet vun de Salariéen zegutt kommen. Dowéinst fuerdert d'Patronat 9 Aarbechtsstonnen pro Dag, plus eng Iwwerstonn wann Zäit era geholl gëtt.

Wat d'Léin ugeet, do verhandelt d'Patronat nëmmen déi tarifaire Léin déi am Kollektivvertrag festgehale sinn, esou de Roland Kuhn. Nëmmen dann hätt de Patron Spillraum fir d'Leit nach weider finanziell ze belounen.

E grousse Problem am Bausecteur wier de Präisdumping duerch Konkurrenz aus dem Ausland an den Detachement. Dowéinst misste méi Kontrolle gemaach ginn, och Owes no den Aarbechtsstonnen.

De Roland Kuhn weist sech awer weider dialogbereet a mengt, datt een awer nach e Konsens mat de Gewerkschafte wäert fannen.

Fir en Donneschdeg hu souwuel den OGBL wéi och den LCGB op eng Manifestatioun am Bausecteur invitéiert.

Invité vun der Redaktioun: Roland Kuhn



Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.