Invité vun der Redaktioun (6. Juli)Nora Back: Klinsch tëscht OGBL an LCGB schued de Leit um Terrain

E Freideg de Moien war d'Nora Back vum OGBL eis Invitée vun der Redaktioun.

Invité vun der Redaktioun: Nora Back (06.07.2018)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

Zanter dëser Woch ass d'Nora Back Generalsekretärin vum OGBL, e Posten, deen op d'Gewerkschaftspresidence virbereet. Wéini dat kéint sinn, ass nach net gewosst. D’nächst Joer wëll den André Roeltgen nach emol fir de Poste vum President kandidéieren, kéint awer méi fréi d’Mandat ofginn.

Bis virun d’Sozialwale mécht d’Nora Back, déi e Freideg de Moien eis Invitée vun der Redaktioun war, elo mol hir Aufgaben normal weider, duerno iwwerhëlt si an der Praxis de Poste vum Generalsekretär.

Si ass frou an dankbar, datt si d'Méiglechkeet kritt, fir nächst Presidentin ze ginn...et ass e Generatiounewiessel. A si ass eng Fra an dat ass nei.

D'Nora Back (Extrait1)

Et wären d'Contenuen, déi zielen. D'Linn vum OGBL. An natierlech hätt jidderee säi Charakter a seng Aart a Weis, sou d'Nora Back.

Fir d’Kritike vum LCGB, datt de Streik am Fleegesecteur virun e puer Wochen ee Spektakel gewiescht wier, huet d’OGBL-Gewerkschaftlerin kee Versteesdemech.

D'Nora Back (Extrait2)

Datt OGBL an LCGB den Ament net gutt matenee kënne, wat ee jo en Donneschdeg massiv bei de Maniffen am Bausecteur gesinn huet, wär net gutt a géif géint d'Interesse vun de Leit goen, seet d'Nora Back. Den OGBL ass nach ëmmer fir eng Eenheetsgewerkschaft, och wann dat den Ament guer kee Sujet ass.

Invité vun der Redaktioun: Nora Back



RTL-NEWS: Generatiounswiessel: Nora Back gëtt nei Generalsekretärin vum OGBL

Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.