Invité vun der Redaktioun (10. Juli) - André Bauler"Mir brauche Reegelen, wéi de schrëftleche Patrimoine ze verwalten ass"

En Dënschdeg de Moie war den DP-Deputéierten aus dem Norden eisen Invité am Studio.

Invité vun der Redaktioun: André Bauler (10.07.2018)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

En Dënschdeg gëtt an der Chamber iwwer d'Archivegesetz ofgestëmmt, domat kommen op d'Verwaltungen eng Rei Changementer duer. Lëtzebuerg hat bis ewell kee komplette legale Kader, par Rapport zum Ausland ware mer do hannendran.

"Mir brauche Reegelen, wéi de schrëftleche Patrimoine ze verwalten ass an d'Archiven ze hale sinn", seet de Rapporter vum Gesetzprojet. Den André Bauler war en Dënschdeg de Moien den Invité vun der Redaktioun.

Den André Bauler (Extrait1)



Concernéiert sinn déi klassesch Verwaltungen an Zerwisser. Ma et ginn awer Ausname-Regimmer.

Den André Bauler (Extrait2)



D'Cultë fale guer net ënner d'Gesetz.

Och d'Gemengen hätten op hir Autonomie gepocht, seet den André Bauler. Dës kënnen awer Cooperatioun-accorde mam Staatsarchiv maachen a se musse matdeelen, wann Dokumenter sollten zerstéiert ginn.

Eng Ausnamereegelung, déi fir de Finanzministère virgesi war, gouf zum Deel erausgeholl aus dem Text. A la base war virgesinn, datt guer keng Steierdokumenter hätte sollen archivéiert ginn, well Réckschlëss op Leit hätte kënne gezu ginn, déi haut nach liewen. Um Enn gouf als Kompromëss en Délai de communication vun 100 Joer festgehalen.

Wann ee bewosst Dokumenter verschwannen deet kann et Strofe vun tëscht 500 a 45.000€ ginn.

Invité vun der Redaktioun: André Bauler



Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.