Invité vun der Redaktioun (7. Januar) - Taina BofferdingReform vun der Grondsteier soll séier viru kommen

E Méindeg de Moie war déi nei Inneministesch a Chancegläichheetsministesch eis Invitée vun der Redaktioun.

Radio- Invité vun der Redaktioun: Taina Bofferding (07.01.2019)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

Mat der Reform vun der Grondsteier well een d’Spekulatioun op Terrainen bekämpfen, net awer d’Leit ze bestrofen. Dat huet d'Inneministesch Taina Bofferding e Méindeg de Mueren am RTL-Interview erkläert.

Eng Méiglechkeet dofir, wier e steierlechen Abattement fir Leit, déi just eng Wunneng hunn. Wéi héich d'Grondsteier no der Reform ass, konnt d'LSAP -Politikerin nach net soen. Elo gëtt emol den interministeriellen Aarbechtsgrupp reaktivéiert.

An et gëtt genuch ze dinn: De vereelzte Berechnungsmodus muss moderniséiert an Donnéeë gesammelt ginn. Do hëllefen déi nei PAGen. An da muss dat ganzt nach an e Gesetz stoe kommen.

Déi nei Inneministesch Bofferding wëll awer dofir suergen, datt ee séier viru kënnt.

Wichteg bei der Reform vun der Grondsteier wier e parteiiwwergräifende Konsens.

Den zweete Ressort vum Taina Bofferding ass dee vun der Gläichheet tëscht Mann a Fra.

An deem Kontext sot Ministesch, datt Fraequoten, trotz aller Kritik, wichteg wieren, dat am Sënn vun der Mixitéit. D'Kompetenze vu Männer a Fraen si gefuerdert an der Politik.

Grad wéi de Logement, wier d'Gläichheet tëscht Fra a Mann eng ministèreiwwergräifend Aarbecht.

Invité vun der Redaktioun: Taina Bofferding


Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.