Invité vun der Redaktioun (16. Januar) - Marc AngelDe Renouveau an der LSAP hëlt Form un

E Mëttwoch de Moien war de Marc Angel, President vun der parlamentarescher Aussekommissioun eisen Invité vun der Redaktioun.

Invité vun der Redaktioun: Marc Angel (16.01.2019)
Den Invité vun der Redaktioun vu méindes bis donneschdes moies géint 8.10 Auer am Studio vun RTL Radio Lëtzebuerg.

Fir d'Presidence ass bis ewell eng Kandidatur eran, an dat ass déi vum Zentrum-Deputéierte Franz Fayot, hir géing do de Claude Haagen ofléisen. Fir de Poste vum Generalsekretär mellt sech RTL-Informatiounen no de Buergermeeschter vu Réiser an OGBL-Gewerkschaftssekretär Tom Jungen.

De Kongress ass den 22. Januar.

Wat d'LSAP-Lëscht fir d'Europawahlen ugeet sou dierft déi jo vum Nicolas Schmit ugefouert ginn, dee Lëtzebuerger Kommissär soll ginn.

Den Deputéierte Marc Angel envisagéiert och fir mat an d'Europawahlen ze goen. Dat sot hien e Mëttwoch de Moien am RTL-Interview. Dat misst awer nach an enger Kommissioun confirméiert ginn. Nieft dem Marc Angel géing an deem Fall och de Nicolas Schmit op der Lëscht fir d'Europawalen am Mee stoen, sou den LSAP-Deputéierten a President vun der Aussepolitescher Kommissioun.

D'Mady Delvaux geet iwwerdeems net méi mat an déi Europawahlen.

Den Zweetgewielten am Zentrum sot och, hien hätt schonn Interessi un engem Ministerposte gehat, hie géing awer respektéieren, dat et anescht koum.

Extrait Marc Angel



"T'ass eng irresponsabel Haltung vun de briteschen Deputéierte fir dëse Plang ofzeleenen, ouni e Plang B ze hunn. Dat wär och net gutt fir d'Bierger vun Europa." Dat sot eisen Invité de Marc Angel, President vun der Aussepolitescher Chamberkommissioun, e Mëttwoch de Moien a Punkto Brexit-Vott. Et géifen am Fong nëmmen 3 Méiglechkeeten ginn: Een No-Deal also de Chaos-Brexit, dann een Deal, wou misst no-verhandelt ginn oder guer kee Brexit.
 
Et wär elo och schwiereg ze wëssen wéi et virugeet, well d'Europäer hätten ëmmer ganz transparent verhandelt, ma et hätt ee laang net gewosst, wat déi britesch Regierung iwwerhaapt wéilt. An dofir wär et och elo schwéier ze wëssen, wat de Plang B vun der Theresa May ass, mat deem si elo an 3 Deeg kënnt.

Invité vun der Redaktioun: Marc Angel

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.