Invité vun der Redaktioun (17. Januar) - Marc Spautz"Mir ware warscheinlech déi lescht Joren ze fein"

En Donneschdeg de Moie war de Marc Spautz, Parteipräsident vun der CSV eisen Invité vun der Redaktioun.

Invité vun der Redaktioun: Marc Spautz (17.01.2019)
En Donneschdeg de Moie war de Marc Spautz, Parteipräsident vun der CSV eisen Invité vun der Redaktioun.

Ech mengen net, dass mer e Feeler am Walkampf gemaach hunn, ma mir mussen eis d'Fro stellen, wat tëscht November 2017 an Oktober 2018 geschitt ass. Dat sot de Marc Spautz en Donneschdeg de Moien am Interview. Och de Claude Wiseler als Spëtzekandidat, wollt den nach-CSV-President net a Fro stellen. Hie wär de richtege Mann gewiescht, ma et hätt een hie ze fréi nominéiert, gëtt de CSV-Politiker ze bedenken.

Wéi soll et an d'Zukunft goen? Et géife verschidden Theme ginn, op deene sech d'CSV méi misst profiléieren an et misst een och de Fanger méi an d'Wonn leeën. „Mir ware warscheinlech déi leschte Joren ze vill fein“, esou de Marc Spautz.

Den C, also de „chrëschtlechen“ Volet vun der Partei war an ass nach ëmmer e wichtege Bestanddeel vun der Partei, deen d'CSV och net dierft opginn. Beispiller am Ausland hätte gewisen, dass de Schoss kann no hanne lass goen.

Och wat den Erneierungsprozess ugeet, vun deem all Mënsch géing schwätzen, sou kéint deen net eleng duerch e personelle Wiessel ëmgesat ginn. De Claude Wiseler wär Éischtgewielten am Zentrum bei der CSV gewiescht an hie selwer den Éischtgewielten am Süden. An dem Sënn hätt ee seng Aufgab erfëllt.

Donieft betount den CSV-President, dass d'CSV nach ëmmer mat Ofstand déi stäerkste Partei ass. „Wei ech ugefaangen hunn, war d'CSV op 22 Sëtz an d'LSAP 18. Haut huet d'CSV 21 Sëtz an d'LSAP 10. Dat seet genuch“, sou den Marc Spautz.

Wéi fält de Bilan vum CSV-President fir seng eegen Amtszäit aus?
Bis d'Gemengewale wär alles gutt gelaf an et hätt een alles mat Succès ëmgesat. Ma de batteren Nogeschmaach vu senger Zäit un der Spëtzt géing awer bleiwen, well hien d'Partei net méi zeréck op d'Regierungsbänk kritt hätt, esou de Marc Spautz. De Politiker gëtt sengem Successeur mat op de Wee, dass Teamwork immens wichteg ass, d'Leit mat anzebannen wär den A&O. 

Invité vun der Redaktioun: Marc Spautz

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.