Invité vun der Redaktioun (23. Januar) - Ben FayotD'LSAP ass sécher nach eng Vollekspartei

De Franz Fayot ass neie President vun der LSAP. Mat sengem Papp hu mer e Mëttwoch de Moien iwwert den Zoustand vun der LSAP geschwat.

Invité vun der Redaktioun: Ben Fayot (23.01.2019)
De Franz Fayot ass neie President vun der LSAP. Mat sengem Papp hu mer e Mëttwoch de Moien iwwert den Zoustand vun der LSAP geschwat.

"D’LSAP ass ganz sécher nach eng Vollekspartei. Eng Partei fir alleguerten d’Leit déi schaffen, an déi fir d’Léisung vu soziale Problemer steet." Dat sot de Ben Fayot e Mëttwoch de Moien als eisen Invité vun der Redaktioun.

De Papp vum neien LSAP-President Franz Fayot stoung selwer vun 1985 bis 1997 un der Spëtzt vun de Sozialisten.

Et wier wichteg, dass säi Fils et elo fäerdeg bréngt, déi landeswäit Struktur vun der LSAP lieweg ze halen. Dat „idee-ellt Gedankengut“, wéi de Ben Fayot et nennt, misst no bausse bruecht ginn.

Et wier ganz positiv, dass den neie President mat enger ganz breeder Majoritéit vun der Basis gewielt gouf. Hien hätt och eng breet Bereetschaft erkannt, dass vill Leit wéilte mat schaffen, wat wichteg an enger Partei wier.

De Stëmmeverloscht vun der LSAP bei de leschte Wale wier natierlech e Problem, deem entgéint geschafft misst ginn. Dat wier awer kuerzfristeg net ze realiséieren, sou de Ben Fayot weider. Dat wier méi e laange Prozess, dee sécherlech méi wéi just 2-3 Joer géif daueren.

Invité vun der Redaktioun: Ben Fayot

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.