Invité vun der Redaktioun (24. Januar) - Gilles RothEenheetlech Steierklass féiert zu Ongerechtegkeeten

En Donneschden de Moie war den CSV-Deputéierte Gilles Roth eisen Invité vun der Redaktioun.

Invité vun der Redaktioun: Gilles Roth (24.01.2019)
En Donneschden de Moie war den CSV-Deputéierte Gilles Roth eisen Invité vun der Redaktioun.

"Als CSV leie mir kloer op enger Linn mam Finanzminister, dass mer eist Veto-Recht an europäesche Steierfroen net däerfen opginn."

Dat sot den Gilles Roth en Donneschdeg de Moien als eisen Invité vun der Redaktioun.

Wann et ëm existenziell Froen fir d’Land géif goen, da misst een op dat Vetorecht pochen. 2000 wier een an esou enger Situatioun gewiescht, duerch déi ominéise europäesch Zënsbesteierungsdirektiv, duerch déi vill Aarbechtsplazen op der Kipp stoungen am Finanzsecteur, an et hätt een et deemools scho fäerdeg bruecht, mat geschécktem Verhandelen, eist Uleies zu Bréissel duerch ze kréien.

Et géif net drëms goen eppes ze blockéieren, mä Kompromësser ze fannen, mengt den CSV-Deputéierten.

Och wann den Fränk Engel an deem Dossier anerer Meenung wier, wier dat net d’Positioun vun de Chrëschtlech-Sozialen. Sollt hien e Samschdeg CSV-President genannt ginn, da wier et och nach ëmmer esou, dass méi Gremien bannent der Partei zoustänneg wieren, fir esou eng Positioun. De President misst sech deen Ament upassen.

Vun enger eenheetlecher Steierklass, sou wéi d’Regierung et am Koalitiounsprogramm festgehalen huet, hält de Gilles Roth iwwerdeems net vill.

Do géif et egal mat wéi engem Modell, zu Ongerechtegkeeten kommen. Dat hätt virun enger Zäit och schonns de fréieren Direkter vum Steieramt erkläert.

Invité vun der Redaktioun: Gilles Roth

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.