Invité vun der Redaktioun (31. Januar) - Jean-Nico Pierre"Cannabis ze legaliséieren ass eng gutt Saach, d'Koordinatioun ass wichteg"

En Donneschdeg de Moie war den Direkter vun der Jugend- an Drogenhëllef eisen Invité vun der Redaktioun.

Invité Redaktioun: De Jean-Nico Pierre (31.01.2019)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

RTL Télé REPORTAGE: ELO AM REPLAY -Kiffen deemnächst zu Lëtzebuerg erlaabt?
Cannabis ze legaliséieren ass eng gutt Saach, seet den Direkter vun der Jugend- an Drogenhëllef. De Jean-Nico Pierre war en Donneschdeg de Moien eisen Invité vun der Redaktioun. Sou wéi d'Regierung dat wéilt ugoen, wier et eng gutt Iddi. Elo schonn iwwer d'Ëmsetzung Präzises ze soen, wär nach ze fréi. Et wär gutt, datt een zum Beispill a Kanada sech informéiert, och soss am Ausland, an dann e Lëtzebuerger Modell ausschafft.

De Jean-Nico-Pierre - Extrait1

Eng grouss Koordinatioun tëscht den Autoritéiten, tëscht de Ministèren, der Police an der Schoul wier enorm wichteg, seet den Jean-Nico Pierre. D'Preventioun misst Haaptprioritéit sinn.

Eng 30 Leit missten agestallt ginn, fir an der Schoul ze sensibiliséieren an z'informéieren. Et géif net nëmmen ëm Cannabis an Drogen goen, mä vill méi allgemeng ëm Suchtverhalen. Kanner misste méi staark gemaach ginn, d'Eltere misste se méi mathuelen, se méi responsabiliséieren.

De Jean-Nico-Pierre - Extrait2

Et sollt ee keng Hetzcampagne maachen an d'Leit net duerchernee bréngen. Natierlech géif et awer Rikse ginn, Cannabis wier net näischt, esou de Jean-Nico Pierre. Psychesch Problemer kéinten entstoen, och en Impakt op d'Longe kéint et ginn, mä et wär keng Astigsdrog.

Alkohol an Drogen wären éischter eng Astigsdrog, a wann d'Kanner net Nee kéinte soen, op deem Punkt misst een d'Kanner stäerken, sou den Direkter vun der Jugend- an Drogenhëllef am RTL-Interview.

Invité Redaktioun: De Jean-Nico Pierre

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.