Invité vun der Redaktioun (6. Februar) - Marc GoergenRegierung mécht eng Anti-Auto-Politik

E Mëttwoch war den Deputéierte vun de Piraten eisen Invité vun der Redaktioun.

Invité vun der Redaktioun: Marc Goergen (06.02.2019)
E Mëttwoch war den Deputéierte vun de Piraten eisen Invité vun der Redaktioun.

Den Ament gëtt een d'Gefill net lass, wéi wann d'Politik géif dem Autofuerer reprochéieren, datt en un allem Schold wier, an den eenzegen Ëmweltsünder wier.

 Mat den Erklärungen vun der SNCT,wat d'Hausse vun de Präisser betrëfft, ass den Deputéierten vun de Piraten net zefridden, vue datt ee gezwongen gëtt an déi Kontroll ze goen. De Marc Goergen fënnt et net korrekt, datt ëmmer op den Autofuerer geklappt gëtt a schwätzt bewosst provokativ vun enger Anti-Auto-Politik vun der Regierung.

Den Invité vun der Redaktioun huet erkläert, datt d'Pirate fir eng eenheetlech technesch Kontroll fir Gefierer an der ganzer EU sinn. Si wëllen eng CO2 Vignette am Platz d'Autossteier. A si ënnerstëtzten d'Iddi vum gratis ëffentlechen Transport.

Finanzéiere géif de sech a long terme, ënnert anerem well Käschte bei de Stroosseninfrastrukturen ewech falen, sou den Deputéierte Marc Goergen.

D'Aarbecht an der Chamber ass ustrengend awer flott, sou de Bilan no gutt zwee Méint an der Chamber. De Marc Goergen ass positiv iwwerrascht, wéivill een u Projeten ka schaffen, déi d'Leit direkt concernéieren.

D'Pirate géifen och ëmmer méi Membere kréien. Dës sollen an Zukunft och méi kënne matschaffen. An d'Partei gëtt sech gären eng duebel Spëtzt, eng Fra an e Mann.

Um Piraten-Landeskongress de Samschden stinn deementspriechend Satzungsännerungen zum Vott.

Invité vun der Redaktioun: Marc Goergen



Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.