VIDEO: Face-à-faceMarc Spautz (CSV) - Corinne Cahen (DP): "Choix" oder "Wackelpudding"?

E Méindeg de Moie hu mer d'Proposen an der Familljepolitik vun der DP an der Oppositiounspartei CSV matenee konfrontéiert.

Face-à-face: Corinne Cahen (DP) - Marc Spautz (CSV) (17.09.2018)
Thema: Familljepolitik. Moderatioun: Claude Zeimetz.

Déi eng wëllen op dat opbauen, wat se an de leschte Joren ausgeschafft hunn, déi aner de Familljen dee Choix erëmginn, dee se hirer Meenung no, ënnert der Dräier-Koalitioun ewechgeholl kruten.

Face-à-face: Familljepolitik - Resumé vum Eric Ewald



Déi aktuell Familljeministesch an DP-Spëtzekandidatin am Zentrum Corinne Cahen an den CSV-Parteipresident a Spëtzekandidat am Süden Marc Spautz stounge sech e Méindeg de Moie an engem Face-à-face op Radio Lëtzebuerg géintiwwer.

Face-à-face: Corinne Cahen vs Marc Spautz



"D'CSV ass an der Familljepolitik endlech do ukomm, wou mir zanter 5 Joer sinn!": Dat sot d'Ministesch Corinne Cahen e Méindeg de Moien op Radio Lëtzebuerg am Face-à-face iwwert d'Familljepolitik mam Marc Spautz.

Deen huet betount, den Ënnerscheed tëscht den zwou Parteie wär deen, dass seng Partei de Leit de Choix wéilt loossen, ob déi bei de Kanner wéilte bleiwen oder net; d'Allocation d'éducation "oder eppes wéi" wéilt d'CSV dann och nees aféieren.

Fir d'DP-Politikerin wär "de Choix ze loossen" just e Slogan, ouni politesch Inhalter; hir Partei géif op eng Politik géint d'Aarmut setzen. D'Corinne Cahen huet e puer Mol vun "CSV-Wackelpudding" geschwat, wat de Marc Spautz zréckgewisen a gemengt huet, d'Familljepolitik vun der DP wär alles anescht wéi liberal.

Cahen vs Spautz - en Extrait

De Face-à-face géint 10 op 8 live op Radio Lëtzebuerg an am Livestream op RTL.lu, wou duerno och de Replay ze fannen ass.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.