RTL-Presseclub vum 24. JuniBodry-Aussoen, Politmonitor an d'Accorde fir d'Fonction publique

D'Journalisteronn um Sonndeg de Mueren huet déi national an international Aktualitéit analyséiert .

© David Winter / RTL

Weist d'Ausso vum Alex Bodry, dass sech d'3er-Koalitioun ausenee gelieft huet? Gëtt de Politmonitor am Hibléck op d'Chamberwalen e kloert Bild of? An entspriechen d'Accorde fir d'Fonction publique an de Fleegesecteur den Erwaardunge vun den Interessevertriedungen?

AUDIO: RTL-Presseclub vum 24. Juni



Invitéen dës Woch an der RTL-Journalisteronn waren:

Christoph Bumb vu reporter.lu
Claude Karger vum Journal
Lucien Montebrusco vum Tageblatt
an den Ali Ruckert vun der Zeitung vum Lëtzebuerger Vollek

LIVESTREAM: RTL Radio Lëtzebuerg live lauschteren.

Iwwert d'Accorde fir d'Fonction publique an de Fleegesecteur, de Politmonitor an d'Ausso vum Alex Bodry zur 3er-Koalitioun geet an eppes méi wéi enger Stonn am Presseclub Rieds.

Et war eng Ausso, déi iwwerrascht huet, obwuel se fir den Alex Bodry, dee se gemaach huet, éischter banal war an dat effektiv der Realitéit entsprécht: D'Parteien aus der 3er-Koalitioun géifen ëmmer méi hiren eegene Wee goen, kuerz virun de Chamberwalen am Oktober. Dat mat der Ausso ze verknäppen, et géif kee rout-blo-grénge Projet méi ginn, huet d'Koalitiounskollegen dach verwonnert.

Et ass allzäit déi éischt Ausso an déi dote Richtung, wougéint een, wann een no Bekenntnisser fir en eventuellt Weiderféiere vu Gambia freet, ni e begeeschtert Jo ze héiere kritt. Hänkt dat vläicht och domat zesummen, dass de Politmonitor, deem seng lescht Resultater d'viregt Woch erauskoumen, weider weist, dass et zu engem Retour vun der CSV an d'Regierung géif kommen? A wat bedeiten d'Resultater dovu fir eng nächst Koalitioun? Doriwwer diskutéieren dono nees 4 Journalistekollegen.

Et gouf donieft iwwert den Accord fir d'Fonction publique geschwat, dee virun allem de Jonken am ëffentlechen Déngscht entgéint kéint, an iwwert den Accord am Fleegesecteur, deen dofir gesuergt huet, dass d'Streiker a verschiddenen Heemer op en Enn koumen. Invitée waren de Christoph Bumb vu reporter.lu, de Claude Karger vum Journal, de Lucien Montebrusco vum Tageblatt an den Ali Ruckert vun der Zeitung vum Lëtzebuerger Vollek.

De Presseclub héiert Dir all zweete Sonndeg kuerz no 11 Auer op RTL Radio Lëtzebuerg an am Livestream op RTL.lu, wou Dir d'Emissioun dono och an der Rubrik Radio bei den "Emissiounen" fannt.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.