RTL-Presseclub vum 21. OktoberVirun de Koalitiounsverhandlungen

Wat fir eng Haaptenseignementer sinn aus de Chamberwale vum leschte Sonnden ze zéien?

Iwwert d'Chamberwale goung e Sonndeg um 11 Auer am Presseclub rieds.

21 Sëtz fir d'CSV (e Minus vun zwee), 12 Sëtz fir d'DP (e Minus vun engem), 10 Sëtz fir d'LSAP (e Minus vun 3), 9 Sëtz fir déi Gréng (e Plus vun 3), 4 fir d'adr (e Plus vun engem) a jee zwee fir d'Piratepartei (plus 2) an déi Lénk (gläich bliwwen): Dat war de Verdikt, e Sonnden den Owend spéit, vun de Chamberwalen 2018. Domat konnt, wéi et sech dunn och schonn ugedeit huet, d'3er-Koalitioun virufueren, wann och mat engem Verloscht, zesummen, vun engem Sëtz, op just nach 31. Koalitiounsverhandlunge goufe séier ugekënnegt, ma déi dierfte méi schwiereg ginn, wéi déi viru 5 Joer. Dorop spekuléiert och d'CSV, déi u sech d'Spëtzepersonal ewell auswiessele wollt, domat awer mol nach waart, bis eng Regierung steet - oder eben net.

Geet déi Rechnung vun der CSV op? Wat kënnen d'Knackpunkten an de Koalitiounsverhandlunge vu rout-blo-gréng sinn?

Mir hunn donieft iwwert d'Gewënner an d'Verléierer vun deene Wale geschwat, mat ë.a. engem Bléck op d'Käpp, déi net méi an der neier Chamber vertruede sinn, respektiv et awer nach erapacke kéinten, an doriwwer, wat fir engen Erwaardunge Gambia 2.0 géintiwwer steet.

RTL-Presseclub vum 21. Oktober



Invitéë waren e Sonndeg:

de Christoph Bumb vu reporter.lu,

de Richard Graf vun der woxx,

de Robert Schneider vum Tageblatt,

an d'Dani Schumacher vum Lëtzebuerger Wort.

De Presseclub héiert Dir all zweete Sonndeg kuerz no 11 Auer op RTL Radio Lëtzebuerg an am Livestream op RTL.lu, wou Dir d'Emissioun dono och an der Rubrik Radio bei den "Emissiounen" fannt.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.