Radio Sport-Club vum 25. MeePatrick Grettnich an Henri Bossi freeë sech op d'Coupe-Finall

E Sonndeg ass am Futtball de leschten Héichpunkt vun der nationaler Saison mat der Finall an der Coupe de Luxembourg.

Radio - Sport Club: Patrick Grettnich an Henri Bossi (25.05.2018)
Sport total mat eise sportlechen Invitéë vun der Woch.
Resumé Radio Sport-Club / Reportage Franky Hippert



E Sonndeg gëtt et am Stade Josy Barthel, déi éischte Kéier an der Geschicht vun der FLF, d'Finall tëscht dem Stater Racing an der US Hueschtert. Vir béid Veräiner geet et dann och ëm déi éischt Victoire vun der Coupe an der Veräinsgeschicht. D'Virfreed ass bei deenen zwee Veräiner grouss. E Freideg de Mëtteg waren déi zwee Trainer Patrick Grettnich an Henri Bossi d'Invitéë bei eis am Radio Sport-Club.

Am Gréngewald huet ee seng 1.001 Ticketen, déi ee vun der Federatioun ze gutt hat, ouni Problemer ënnert d'Leit bruecht.

Beim gréisste Stater Futtball-Veräin hale sech d'Spectateurszuelen, mat enger Moyenne an der Saison vun 200 Leit, méi wéi a Grenzen. Dat soll awer och duerch d'Participatioun an der Coupe-Finall a sportlech Resultater elo änneren, sou de Racing-Trainer Patrick Grettnich.

Hueschtert stoung a senger 72 Joer aler Veräinsgeschicht nach ni an der Coupe-Finall. Bei der Première gëtt ee sech awer net vu virera geschloen.

De Racing huet Qualitéit am Kader. Dee Spiller, dee besonnesch erausstécht, ass sécherlech den Nationalspiller Dan Da Mota, deen e Sonndeg seng 10. Coupe-Finall spillt. Dat eleng geet awer net duer, fir de Stempel vum Favorit unzehuelen.

Wie gewënnt ass schwéier virauszesoen, och wann de Racing liichte Favorit dierft sinn. Eent ass sécher, de Gewënner kritt vun der UEFA 220.000 Euro iwwerwisen. Dat ass nämlech de Montant deen ee kritt, wann een am éischten Tour an der Europa League Qualifikatioun dobäi ass.

Radio Sport-Club mam Patrick Grettnich an Henri Bossi



Radio-Sport-Club: freides vun 13h30 bis 14h00 op RTL Radio Lëtzebuerg an am Livestream op RTL.lu. Duerno am Replay op RTL.lu (Video an Audio).



Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.