Alles iwwer Schockela

Schockela: Genoss, Emotiounen a séiss Momenter

  • Schockela (8):Mythen a Legenden

    26.12.2018, 13:45

    Ee Genossmëttel, wat esou d'Sënner verzaubert, wéi de Schockela, ass - wéi soll et anescht sinn - och ëmmer nees Stoff fir Legenden a Mythen. Interessant Geschichten ronderëm de Kakao an de fäerdege Schockela oder och nach Verrécktes aus der Schockelaswelt, déi verzielt Iech d'Michèle Schons:  

  • Schockela (7): Wéi gesond ass Schockela?

    25.12.2018, 10:30

    Eng Tablett Schockela den Dag an äert Häerz bleift gesond! Esou e Saz héiert der lo sécher gären... Ma tatsächlech hu Wëssenschaftler dësen Zesummenhang an Etüd getest, an d'Leit hu missten all Dag 100g Schockela iessen. D'Fuerscher hunn doropshin Häerz a Kreeslaf ënnersicht a ware begeeschtert. Hirer Meenung no ass de Risk fir geféierlech Häerz-Kreeslaf-Krankheeten nämlech däitlech erof gaangen. Mee kann eng Tablett Schockela wierklech esou gesond sinn?

  • Schockela (6): Schockela an der Kultur

    20.12.2018, 14:45

    De Film Chocolat, dee virun 18 Joer erauskoum, mam Juliette Binoche an Johnny Depp huet d'Renaissance vum Schockela immens gefuerdert. D'Comédie voll mat Witz an Esprit weisst wat de Genoss vum Schockela ka bewierken well do verfält nämlech e ganzt Duerf de séisse Knippercher vun der Vianne Rocher. Michèle?

  • Schockela (5): De Schockelasberuff

    18.12.2018, 11:40

    "Mâitre Chocolatier".... dat héiert sech dach emol gutt un, nee? Ma Chocolatier ass eigentlech keen eegestännegen Ausbildungsberuff. Gewéinlech fänkt e Chocolatier als Pâtissier oder Confiseur un an e Chocolatier ass dann um Enn deen dee just nach mat Schockela schafft a Konschtstécker aus Schockela mécht. Ma och dozou brauch et jorelaang Erfarung a Kenntnesser zu Konfekt a Bakwueren. Michèle du wars op eng Plaz wou vill mat Schockela geschafft gëtt: 

  • Schockela (4): Zorten

    13.12.2018, 13:45

    Ganz egal wat aus dem Réistoff Kakao soll gemaach ginn, den Ausgangspunkt ass ëmmer d'Kakaosmasse. Dono ginn d'Produktiounsweër dann awer auserneen, jee nodeems watferee Produit dass een da wëll. Entweder Kakaosbotter a Polver oder Schockela a Schockelasproduktiounen. Michèle, wéi geet e virun an der Serie iwwert de Schockela?

  • Schockela (3): Recolte

    11.12.2018, 08:50

    E Stéck Liewensfreed offréiert ouni Zweiwel Kakao oder Schockela, well si gehéieren zu de klasseschen Delikatessen. "Cacahuatl" - d'Urform vum Kakao, hunn d'Maya a Mëttelamerika scho kannt, well schliisslech huet de Quetzalcoatl, de Gott vum Wand hinnen déi mysteriéis an nahrhaft Planz als Kaddo op d'Äerd geschéckt. Wéi aus där Planz herno de gudde Schockela erauskënnt, dat weess d'Michèle Schons

  • Schockela (2): Kakaosplanz

    06.12.2018, 13:10

    Léiwer e gudde waarme Schocki? Oder eng zaart Knippchen? Schockela gehéiert zemools elo fir d'Festdeeg op all Dësch... Déi séiss Delikatess ass souguer no Joerdausenden nach ëmmer e besonnesche Cadeau dee Freed mécht. D'Zoubereedung vun de Kakaosbounen zu Iess oder Drénkschockela baséiert op deenen ale Rezepter vun de südamerikaneschen Awunner. Dat hu mer am leschte Reportage schonn héieren, an haut kucke mer mol wat déi Theobroma iwwerhaapt fir eng Planz ass, Michèle 

  • Schockela (1): Historesches

    03.12.2018, 11:10

    Genoss, Emotiounen a séiss Momenter: Wëllkomm an der Welt vum Schockela. Well och elo d'Zäit ass, wou een alt mol esou e Stéckelchen am Schong, oder herno ënnert dem Beemche fënnt, proposéiere mer iech zweemol d'Woch e klenge Reportage iwwert de Schockela. Gesond ass en och, an anscheinend souguer scho méi al wéi mer mengen, Michèle?